يا مثير للدهشة

يا مثير للدهشة
كلمات :- عبدالله محمد خير
الفنان :- عبدالرحيم ارقي

يامثير للدهشة فى الناس والفضول
ياربيع الدنيا يا أحلى الفصول
يامعانى الطيبة والرضا والقبول
ياسمح يارقى يازول إنت يازول
إزدهت بيك امنياتى الحول ورا الحول
وشرعت آمالى فيك بالعرض والطول
بس مصير قلبى البيهواك لسه مجهول
واللعب بأسم المشاعر ماهو مقبول
يابريد أهل الغرام هاك منى مرسول
مادتو الشوق والهيام من قلبى مرسول
للقليب الأبيض البطهر مغسول
لى اللهيج الحالى ريقو حديثو معسول
قولو زولك مو نصيح مرضان ومعلول
حالو حال الفى البحر عطشان ومغلول
خلو بى عنبو الطرى البنداهو مبلول
اليقولك زوللى امرو القاسى محلول
ده المنور دابو فى قلابو مشتول
الجديد لوريهو ماسدروبو ماتول
كم من الشيب والشباب الساعدو مفتول
صاح مع الزين جوه حوش العمدة مكتول
لامتين يالله يصبح حالنا معدول
وبى نعيم الدنيا نلقى شقانا مبدول
ننجمع بالديسو فوق اكتافو مسدول
والقوام الطيع المفدوع ومجدول
تفرح الدار تنفتح زغرود وهلول
والبنات ليك فى السباتة يغنن اللول
حين يكون صمت الحبيب أبلغ من القول
وأى هزه من الحواجب ليها مدلول
ياحبيبى الغالى كم لى فيك مأمول
قبل أجيك فوق آلة ذى ماقالو محمول
خلو حبل الريد يكون بيناتنا موصول
شان حصاد زرع السنينن نجنيهو محصول