نجلا

إيمــــان القليب بي ربو ذتـــــــي وذاد نبيــــه صلاه
وعينــي علي عيونك بارده سامحي عيوني يا نجلا
ارجـــوك طلعي النظاره لا وين دايري تزيدي حلا
أرجـــوك ثم ارجـــوك تـــاني ساجناها العيون مالا
غتيتهـــا خـــايفي علينــــا من حــــد سيفـــن السـالا
والا عليهـــا مننــــا خفتـــي والا سجن قلوب عاملا
رجعـــي قلبي زي مـا شلتي ليه من غير إذن شايلا
رجعـــي لي لــو دايـــراهو وارجعـي شيلـي بالعدلا
قلبـــي انـــا بي مصايبو بدورو شن فايدة حياتي بلا
ومــن عينيــك محــل وديتـو برضها حربتن واصلا
فتشــي في ضفــأيــرك يبقــي بينـــات الخصـل فاتلا
وفتشــــي فــي عيــونك بـاقي عاجبا رموشن الكاتلا
فتشـــي فــي سـوادن جـــو يمكــــن داب مـع كحـلا
يـــا في ضـــل رموشـــن نــام ما دام الرموش ضالا
قلبي انا ماكي عارفه حكايتو ذي باقي القلوب قايلا؟
قلبي حكـــايتو نوعـــا براهو ودايماً حظي فيهو جلا
مجنــون بالجمــال ونفيستي جنو علي الطلب عازلا
كــان دايرني اكـون هاديهو ولقاني انا ود رماد مالا